Քննարկվել են կենսաթոշակային համակարգի ընթացիկ խնդիրները

Ապրիլի 18-ին ՀՀ Ֆինանսների նախարարի տեղակալ Կարեն Թամազյանի մասնակցությամբ տեղի է ունեցել կենսաթոշակային բարեփոխումների իրականացման նպատակով ձևավորված աշխատանքային խմբի հերթական նիստը:

 

Նիստի ընթացքում քննարկվել են կենսաթոշակային բարեփոխումների հետագա ընթացքի հետ կապված առաջարկները, բնակչության շրջանում այդ բարեփոխումների իրազեկվածության աստիճանի բարձրացման նպատակով շահագրգիռ մարմինների կողմից կատարման ենթակա աշխատանքների համակարգման և դրա արդյունավետության բարձրացման ուղիները:

 

Նախարարի տեղակալ Կարեն Թամազյանն ընդգծել է նիստի կարևորությունը և նշել, որ նման քննարկումների միջոցով հնարավոր կլինի վերհանել առկա խնդիրները և տալ դրանց պատշաճ լուծումներ:

 

Աշխատանքային խմբի կողմից ներկայացվել է կենսաթոշակային բարեփոխումների արդյունքում առկա խնդիրների լուծման ուղղությամբ գործողությունների պլանը. անդրադարձել են նաև կենսաթոշակային համակարգի ընթացիկ հարցերին:

 

Քննարկումն ավարտվել է մասնակիցների ներկայացրած առաջարկների ու դիտողությունների ամփոփմամբ, և պայմանավորվածություն է ձեռք բերվել քննարկումների հետագա ընթացքի վերաբերյալ:

18.04.17 | քաղաքականություն