Սխալներ, որոնք չի կարելի թույլ տալ

1. Անցյալով ապրել

Շատ մարդկանց երջանիկ դառնալու համար հերիք է ամնեզիան եւ մի քիչ վիսկին, իսկ արդյունքում նրանց երաշխավորվում է մշտական առաջընթաց: Իսկ մյուսները ոչ մի դեպքում չեն լքում իրենց «հարմարավետության գոտին»: Բոլոր մարդիկ տարբեր են, բայց նրանք բոլորը հավասար հնարավորություններ ունեն: Ես այժմ չեմ խոսում սոցիալական շրջանակների մասին,  ես խոսում եմ մեզանից յուրաքանչյուրի կյանքի նպատակի մասին: Երջանկության մասին: Նույնիսկ եթե անցյալը ձեզ երջանկության ծով է բերել, սակայն այժմ հիշողությունները խանգարում են առաջ գնալ, ժամանակն է ընդունելու այն փաստը, որ դուք անցել եք   սահմանագիծը, որը մեր թիկունքում բարձրացել է քարե պատի նման:   Երջանիկ անցյալը մեր կայացման գործում որոշակի փուլ է: Երբ այն այլեւս չկա եւ մնացել են միայն երջանիկ հիշողություններ, պետք է նոր դրական հույզեր ստանալ, որպեսզի մեկ տարի անց այսօրվա օրը դառնա վառ հիշողություն:  Երջանկությունը կյանքի մեջ է, իսկ ինքը` կյանքը, ընդամենը կարճատեւ պահ է: 

2. Վախենալ ռիսկի դիմելուց

Բոլորին ծանոթ է այս ֆրազը. «Տիտանիկը կառուցել են մասնագետները, իսկ տապանը` սիրողականները»: Այն ոգեշնչում է եւ թեւ է տալիս:  Կյանքում ամեն ինչ շատ պարզ է, ուղղակի մենք սիրում ենք ամեն ինչ բարդացնել: Ընտանի վայրը ոչ միշտ է երազանքների սահմանը: Գուցե այսօրվա ձեր որոշումը` զանգել անհրաժեշտ մարդուն, ձեր ռեզյումեն ուղարկել խոշոր կորպորացիայում բարձր վարձատրվող պաշտոնի համար, ժամանակից շուտ դեպոզիտից  հանել փողը, ամենաքմահաճ հաճախորդին առաջարկ ուղարկել կամ առաջին հայացքից անմատչելի անձին ձեր զգացմունքները խոստովանել` այդ ամենը կարող է Ձեր կյանքը փոխել արդեն այս երեկո: Դուք վախենում եք ռիսկի դիմել, որովհետեւ վախենում եք, որ դա կարող է Ձեր հերթական սխալը լինել: Իսկ աշխարհը հաճախ գնահատում է սխալները: Դրանցից է երկխոսություն ծնվում, իսկ երկխոսության մեջ ճշմարտությունն է: Որոշ սխալներ` անիմաստ վճռականությունը կամ առանց հաջողության երաշխիքի որոշում կայացնելը ձեզ կտանեն դեպի հաջողություն եւ համաշխարհային հայտնիություն կբերեն:  

Պետք է հավատալ ինքներդ ձեզ, ձեր ուժերին եւ շրջապատին: Առանց ապագայի հանդեպ հավատի եւ առանց ռիսկի դիմելու կարողության, չէին լինի հեծանիվներ, բջջային հեռախոսներ, ինքնաթիռներ, համակարգիչներ, չէր լինի այն ամենը, ինչն ամենից անհրաժեշտ եւ առօրեական է թվում: Աշխարհը Ձեր ռիսկային որոշումների կարիքն ունի, եւ ինչ աշխարհ, Դուք  ինքներդ դրա կարիքն ունեք:  

3. Չապրել այնպես, ինչպես ուզում ես

Մարդիկ կան, որոնց շուրջը կյանքը եռում է: Նրանք ոչ ստանդարտ են մտածում, վառ, երբեմն ոչ տրամաբանական, բայց` այնքան ըստ էության:  Երբ նման մարդը հեռախոսը չի վերցնում, դու չես կարող պատկերացնել, թե նրա մտքով ինչ է անցել  10 րոպե առաջ եւ արկածախնդրության ոգին այս անգամ նրան ինչ հեռուներ է տարել:  Գուցե նա հեռախոսը դեն է նետել, որպեսզի շրջապատողներին չբացատրի  նորը գնելու ցանկությունը կամ էլ աշխատանքի փոխարեն գնացել է մանկատուն, որպեսզի երեխաներին օգնի դասերն անել:  Առաջին հայացքից թվում է, որ նման մարդիկ թեթեւամիտ են եւ ոչ պատասխանատու: Բայց նրանք   երջանիկ են: Ես կոչ չեմ անում անկանխատեսելի լինել, ես ընդամենը առողջ դատողության կոչ եմ անում:   Ես կոչ եմ անում կյանքը չծախսել չսիրած գործի, անհետաքրքիր մարդկանց վրա եւ ատելի վայրում:  

4. Չգնահատել այն, ինչ ունես

«Դու չես գնահատում այն, ինչ ունես»: Որքան էլ պարզունակ է այս ֆրազը, այն մեծ խորություն եւ կյանքի փորձ է պարունակում:  Չգիտես ինչու, մենք անմարդաբնակ կղզիներում գանձ ենք փնտրում, իսկ այն թաքցված էր մեր բակում: Մենք վիրավորում ենք մարդկանց` մտածելով, թե նրանք ոչ մի տեղ չեն գնա: Մենք տրվում ենք տրամադրությանը եւ նետում ենք լսափողը:  Բայց բացասականի մեջ երջանկություն չի կարող լինել: Պայքարի մեջ խաղաղեցում չկա:  Դրականի հավերժական փնտրտուքը եզրագիծ չունի: Մեր շուրջը մանրուքներն արդեն իսկ մեզ առանձնահատուկ են դարձնում:   Մեր աշխարհը մեր մտքերի արտացոլումն է: «Մաքրենք գլուխը», եւ արդյունքն իրեն սպասել չի տա:  

5. Մտածել, թե երջանկությունը հնարավոր է գնել

Մարդիկ, որոնք սովոր են ասել, թե «երջանկությունը փողի մեջ չէ», սակայն  գնալով ավելի ակտիվորեն են փորձում վաստակել «աշխարհի ամբողջ փողը», օրերով նստում են աշխատավայրում եւ մոռանում են, թե ինչ տեսք ունեն իրենց երեխաները: Ժամանակակից աշխարհում բարդ է ապրել առանց փողի: Բայց կան մարդիկ, որոնք աշխատում են ապրելու համար, եւ կան նրանք, ովքեր ապրում են աշխատելու համար: Իհարկե, ամեն ինչ այդքան հեշտ չէ, բայց պետք է սովորել հավասարակշռություն պահպանել այդ նուրբ սահմանագծին: Եթե երջանկությունը հնարավոր լիներ գնել, մենք արդեն հարյուրավոր տարիներ առաջ կորցրած կլինեինք դա: Այն «անօրինականորեն» կգնեին, կվաճառեին եւ կթաղեին ագահության եւ եսասիրության ընդերքում: Ինչում է երջանկության հմայքը:  Նրա մատչելիության մեջ: Քնքուշ համբույրի, երեխայի առաջին ճիչի, անկեղծ գրկախառնության, այն գիտակցության, որ սիրելի մարդը քնած է կողքիդ: Երջանկությունն անհնար է գնել, եւ դրանում է կյանքի ամբողջ հետաքրքրությունը:  

 

Աղբյուրը` Creu.ru

14.09.16 | հասարակություն | աստղերը