Сайт продаётся (Կայքի վաճառք)!

«Սեւ օրվա համար» պահած փողի ուժը

Նշաններ դրամապանակի վերաբերյալ

Եթե դուք որոշել եք փող հավաքել, դրանք կուտակիչի մեջ գցելուց առաջ, ջանացեք մտովի պատկերացնել, թե ինչի վրա եք ծախսելու: Այդպես անհրաժեշտ գումարն ավելի արագ կկուտակվի:

Ֆինանսական հաջողություն կարող է բերել ձեր ծննդյան թվով մետաղադրամը կամ թղթադրամը: Եթե գտնեք նման բան եւ տանը պահեք, հարստություն կգրավեք դեպի ձեզ: Դրամապանակում պետք է միայն փողի հետ կապված իրեր եւ առարկաներ լինեն` չեքեր, պլաստիկ քարտեր, թղթադրամներ, մետաղադրամներ: Մտերիմ եւ հարազատ մարդկանց լուսանկարներն այնտեղ պահելը մեծ սխալ է, որովհետեւ այդպիսով դուք կանգնեցնում եք դրամական հոսքը եւ ձեզ շռայլության եք տրամադրում:

«Սեւ օրվա համար» փող կուտակել խորհուրդ չի տրվում, որովհետեւ այդպիսով դուք ձեզ աղքատության եք տրամադրում: Կարելի է փողը պահել կամ խնայել, բայց չթողնել մինչեւ մութ ժամանակներ: Նման գործողություններով հնարավոր է միայն իրենից քշել նյութական բարեկեցությունը: Տվյալ դեպքում գործում է ձգողության օրենքը: Եթե դուք մշտապես մտածեք «սեւ օրվա մասին», այն անպայման կգա: Կարիքը հետեւողականորեն կներխուժի ձեր կյանք: Ամենից լավ է փող հավաքել որեւէ հաճելի բանի համար: Դա կարող է լինել երեխայի սնունդ, հարսանիք կամ էլ ծովային հանգիստ:

Այն փողից, որը դուք պատահաբար եք ստացել, օրինակ` գտել եք, ջանացեք հնարավորինս արագ ազատվել: Գոյություն ունի սնահավատություն, որ դա ձեզ երջանկություն չի բերի: Իսկ եթե որոշել եք ձեր միջոցները ծախսել աղքատներին օգնելու վրա, այդպիսով միայն կմեծացնեք ձեր նյութական բարեկեցությունը:
«Կախարդական գումար»

Տվյալ ծեսը հոգեհարազատ կլինի բառացիորեն յուրաքանչյուրին. բոլորովին կարեւոր չէ, թե կյանքում դուք ինչ նշանակություն եք տալիս փողին: Ծեսն անցկացնելուց առաջ կենտրոնացեք եւ ամբողջ սրտով ստուգեք արդյունքը: Դրանից կախված կլինի ծեսի ելքը: Դա լիովին հարմար է ինչպես խնայող մարդկանց, այնպես էլ վատնողներին:
Վերցրեք ուղիղ 27 դրամական միավոր: Դրանք կարող են լինել տարբեր արժեքի մետաղադրամներ կամ թղթադրամներ: Թե դա ինչ գումար կլինի, խոշոր հաշվով կարեւոր չէ:

Ձեր բնակարանում գաղտնի անկյուն գտեք եւ այնտեղ գաղտնարան կառուցեք, որտեղ կպահվի գումարը: Դուք կարող եք փողը դնել գուլպայի մեջ եւ դնել պահարանում, կամ թաքցնել դարակների արանքում գտնվող ճեղքում: Ինքներդ ընտրեք համապատասխան տեղը. փողը թաքցրեք գրքի մեջ, ներքնակի տակ կամ ծաղկամանի մեջ:

Երբ կորոշեք, թե որտեղ եք դնում փողը, վերցրեք մի մետաղադրամ կամ թղթադրամ եւ բարձրաձայն ասեք. «Փողը թող հաջողություն բերի: Փողը դնում եմ եւ երջանիկ ապրում եմ»: Փողը հնարավորինս հեռու տարեք: Հաջորդ օրը փողին եւս մի թղթադրամ ավելացրեք կամ մետաղադրամ եւ արտասանեք նույն բառերը: Այդպես է պետք անել 27 օրվա ընթացքում: Ոչ մի օր չի կարելի բաց թողնել, ջանացեք խստորեն հետեւել կանոններին:

«Կախարդական գումարը» ձեզ կօգնի միշտ որոշակի գումար ունենալ: Ծեսը մոգական ուժ ունի, այդ պատճառով ձեր տանը միշտ կիշխի առատությունը եւ ֆինանսական բարեկեցությունը: «Կախարդական գումարի» ուժը կայանում է նրանում, թե ինչ ներքին տրամադրվածությամբ եք իրականացնում ծեսը: Կարեւոր է ուղեղն ազատել ծանր մտքերից եւ թողնել, որ ներդաշնակությունը մուտք գործի ձեր ներքին աշխարհ:

Ծեսի շնորհիվ ձեր կյանքից ընդմիշտ կվերանան փողի պակասի հետ կապված իրավիճակները: Այն պահերը, երբ շտապ փող է անհրաժեշտ ինչ-որ ծախսի համար, այլեւս երբեք չեն հայտնվի ձեր կյանքում, դրանց փոխարեն կգա հարստություն եւ ուրախություն: Հաջողություն ենք մաղթում:

Աղբյուրը` Otvetnavse.com

23.09.16 | հասարակություն | ֆուտբոլ