Сайт продаётся (Կայքի վաճառք)!

Նոր դիետա

Նոր սննդակարգը շատ չի տարբերվում «հներից»: Ակնհայտորեն առաջարկվում է խուսափել գլիկեմիկ բարձր ինդեքսով մթերքներից, ռաֆինացված ձավարեղենից եւ շաքարներից: Եթե կարճ ասենք, սննդակարգի հանձնարարականները հետեւյալն են.

1) Ուտել օրական 4 անգամ 3 ժամ նվազագույն ընդմիջումով: Այդ երեք ժամվա ընթացքում շատ ջուր խմել:

2) Մինչեւ վերջ չկշտանալ, սեղանից վեր կենալ քաղցի թեթեւակի զգացումով:

3) Սպիտակ հացը փոխարինել սեւով կամ մոխրագույնով` սննդի ամեն ընդունման հետ մի փոքրիկ կտոր ուտելով:

4) Հրաժարվել շաքարից եւ բոլոր մթերքներից, որոնք պարունակում են այն: Մոռանալ խոզի մսի, ապուխտների եւ ճարպոտ մսի, թունդ խմիչքների մասին:

5) Սահմանափակել սպիտակ կամ թափանցիկ կեղեւով մրգերի (բանան, խաղող), ընկույզի, սիսեռի, ոլոռի օգտագործումը: Թույլատրվում է մի քիչ գինի եւ գարեջուր (1 չափաբաժին):

6) Մակարոնեղենը չհամադրել սպիտակուցային մթերքների հետ (մսի, ձկան):

7) Հետճաշիկը բաց չթողնել: Այդ ընթացքում թույլատրվում է որեւէ ճարպոտ բան ուտել, որովհետեւ այդ ժամանակ դա ամենից լավ է յուրացվում:
Սննդակարգը նախատեսված է 3-4 շաբաթվա համար:

Ճաշացանկի օրինակ:

Նախաճաշ:

Սուրճ կամ թեյ, 1-2 կտոր սեւ հաց կարագի հետ, ձու:
Կամ մեկ ձվով ձվածեղ, սեւ հաց պանրի հետ, կիսով չափ ջրով բացված մրգահյութ:

Ճաշ:

Բանջարեղենի աղցան, որի վրա մի քիչ բուսական յուղ է լցված, 100 գ միս եւ պանիր, մի կտոր սեւ հաց:

Կամ վարունգով, կաթնաշոռով եւ կանաչիով աղցան, ձուկ կամ հավ, մի բաժակ յոգուրտ եւ մի շերտիկ սեւ հաց:

Հետճաշիկ:

Մի կտոր հաց ու կարագ, մի բաժակ ոչ քաղցր յոգուրտ:

Ընթրիք:

Ցանկացած տեսակի բանջարեղեն, մի կտոր պանիր, մի շերտիկ սեւ հաց:

Կամ մակարոն բանջարեղենի սոուսի կամ քերած պանրի հետ, կես թուրինջ, մի կտոր պանիր:

Աղբյուրը` Dieta.ru

11.06.16 | հասարակություն