Сайт продаётся (Կայքի վաճառք)!

Կենդանակերպի նշաններն՝ ըստ խառնվածքի

Խոյ 

Առաջինն է կենդանակերպի նշաններից, ով պատկանում է Կրակի տարերքին։ Նրա կարգախոսն է «Ես առաջինն եմ»։ Սակայն, հավերժ մանուկ, քնքուշ և զգայուն Խոյը, շշմեցուցիչ սեքսուալ է։ Նա անկուշտ է, և եթե նրա էներգիան ելք չի գտնում սեքսի մեջ, ապա հետևանքները կարող են բավականին նեգատիվ լինել։ Բայց Կրակի զավակն իսկապես սիրել գիտի։ Այդուհանդերձ նա չափազանց խոցելի է և փխրուն։ Երբ Խոյը սիրահարվում է՝ աստվածացնում է իր սիրեցյալին և շատ է վշտանում, եթե իր սիրած էակն ընկնում է բարձրունքից, որովհետև Խոյը երբեք չի ընդունի, որ սխալվել է։

Ցուլ

Երկրային էակ է և այդ պատճառով էլ առողջ բանականության տեր է։ Նա հուսալի է, որովհետև անփոփոխ է։ Միայն փոփոխությունների մասին միտքը նրան կարող է հունից հանել։ Ընտանեկան կյանքում նա հասարակ և աշխատասեր մարդ է՝ հուսալիության լավագույն երաշխիքը։ Այդուհանդերձ, ամենակրքոտ նշանների տասնյակում Ցուլը երկրորդ տեղում է։ 

Նա տանել չի կարողանում բազմազանությունը նախընտրող զուգընկերների՝ չնայած ինքն է գունավորում զգայունն ու սեքսուալը ռոմանտիկ վարդագույնով, երբեք առաջինը չի լքում և ցավագին է տանում դավաճանությունը։

Երկվորյակներ

Նրանք պատկանում են Օդի տարերքին և անդադար շփման կարիքն ունեն։ Նրանց տրամադրությունը կարող է փոխվել ամեն րոպե։ Նրանք բոլորը անընդհատ փնտրում են վառ անհատականություն և պաշտում են ֆլիրտը։ Սեքսուալ հարաբերություններում պետք է անել այն, ինչ նրանք Ձեզանից չեն սպասում։ Սակայն նրանք ավելի են նախընտրում խելացիությունը, քան մարմինը, այնպես որ չմոռանաք մինչ նրա հետ հանդիպելը գոնե պարբերականի մի նոր համար կարդալ։ Այլապես ինքներդ չեք նկատի, թե ինչպես կորցրեցիք զուգընկերոջը։

Խեցգետին

Ջրի նշաններից առաջինն է, որովհետև զգացմունքների հոսք է արտացոլում իր ամբողջ էությամբ։ Շատ զգայուն է և հիանալի ինտուիցիայի տեր։ Հմայքի և զգայունության նրա կենսահյութի մի փոքր չափաբաժինը բավական է, որ Ձեզ նորածին զգաք։ Հրաշալի հումորի զգացում, և միաժամանակ ինքն իր մեջ պարփակվելու մեծ ցանկություն ունի։ Չկա այնպիսի մի գաղտնիք սիրո մեջ, որը նա չգիտի։ Սեքսում նրա մոտ անբաժան են էրոտիկան և զգացմունքը, և նա կարող է կառչել իր նախկին զուընկերոջից՝ նույնիսկ եթե սերն անցել է։

Առյուծ

Կրակի երկրորդ նշանն է, այդ պատճառով շատ ջերմ է և էմոցիոնալ, բայց միևնույն ժամանակ շատ արքայական։ Հիասքանչ Առյուծը հանդիսատեսի կարիք ունի։ Նա պաշտում է այն ամենն, ինչ վերաբերվում է թատրոնին։ Առյուծին սիրո արվեստ սովորեցնել պետք չէ. նա բոլոր հնարավոր և անհնարին քնությունները արդեն հանձնել է։ Նա իր սերը նկարագրում է այնպիսի արտահայտություններով, որ Դուք պետք է հիշեք՝ եթե գործ ունեք Առյուծի հետ, ապա նա իրական սիրո կարիք ունի, այլապես կյանքն անիմաստ է։

Կույս

Հողի տարերքի ինտելեկտուալ նշան է՝ նրա բոլոր արկածները սովորաբար սկսվում են մի զարհուրելի գաղափարից։ Ցնորված է իր առողջության վրա, և սկսում է խելագարվել ամեն մանրուքից։ Տանել չի կարողանում խառնաշփոթն ու աղբը, չափազանց կազմակերպված է և հանդարտ։ Ամենակարևորը նրա համար զուգընկերոջ խելացիությունն է։ Եթե համապատասխանել այդ պահաջին, ապա սեքսը նրա հետ աննման կլինի։ Եթե ոչ՝ ապա ոչ մի սեքս։

Կշեռք

Օդի այս զավակները հասկանում են գեղեցկությունը միայն այն ժամանակ, երբ այն համաչափ է։ Աստվածային ներդաշնակությունը օրվա յուրաքանչյուր ժամին. սա է նրանց կարգախոսը։ Ատում են կարողանում վեճերն ու սկանդալները, սակայն հեշտ են սիրահարվում և ծայրահեղ իդեալիստական են սիրո մեջ։ Սակայն շատ շուտ են հիասթափվում։ Սիրում են նկարագրել իրենց կիրքն ու անհագուրդ ցանկությունը, բայց անկողնում երբեմն ծույլ են, հատկապես եթե զուգընկերը չի համապատասխանում նրանց ներդաշնակության պատկերացմանը։

Կարիճ

Գայթակղիչ և խորհրդավոր անձնավորություն որը գաղտնի ձգտում է լինել իրավիճակի տերը, իշխել և կառավարել բոլորին կուլիսների ետևից։ Պատկանում է Ջրի տարերքին, և եթե նա իսկապես հետաքրքրված լինի, ապա սքանչելի, դինամիկ, կրքոտ և հավատարիմ զուգընկեր կլինի։ Էլեգանտ է, բայց թաքցնում է իր  նուրբ և առնական հոգին։ «Ամեն ինչ, կամ ոչինչ»՝ սա է նրա կարգախոսը։ Կարիճը անկողնում հայտնվել չի շտապում, բայց եթե Ձեզ հետ այնտեղ հայտնվեց, զգուշացեք։

Աղեղնավոր

Կրակի այս նշանի բախտը բերում է տարատեսակ անախորժությունների հարցում։ Ունի վառ երևակայություն, հակված է հորինելու և միշտ համառորեն պնդում է, որ հենց այդպես էլ եղել է։ Պաշտում է ազատությունը, և անիմաստ է նրան կապել որևիցե մեկ տեղում։ Ամենևին էլ հավատարիմ չէ, սակայն չափազանց զգայուն է և չի կարող ամեն գիշեր նույն խաղը խաղալ։ Սիրո մեջ էլ արկածներ է նախընտրում։ Նրան պահելու միակ միջոցը՝ ժամանակ առ ժամանակ իսկական խմբակային սիրախաղ կազմակերպելն է, բայց ձեր երկուսի համար։ Եթե դա Ձեր ուժերից վեր է, ապա հեռու մնացեք Աղեղնավորից։

Այծեղջյուր

Այս նշանի ամենահմայիչ առանձնահատկությունը ինքն իրեն ծաղրելու ունակությունն է։ Սակայն նրանք անընդհատ տանջվում են մեղքի զգացումից և տառապում են՝ դրված նպատակին չհասնելու համար։ Այս մարդիկ չեն կարող ապրել առանց փառքի քաղցրության։ Նրանցից շատերի մոտ սեքսուալության գագաթնակետը արթնանում է արդեն մեծ տարիքում։ Ժամանակ առ ժամանակ նրան լռություն և հանգիստ է անհրաժեշտ։ Արտաքնապես լուռ և հանգիստ Այծեղջյուրը սիրում է երկրային հաճույքներ և այս բնագավառում ուղղակի արքա է, որովհետև նրա փառասիրությունը թույլ չի տա, որ նա «անլուրջ» մի սիրավեպ սկսի կամ դժգոհ թողնի զուգընկերոջը։

Ջրհոս

Այս նշանը միշտ պատրաստ է զարմացնել Ձեզ, այնպես որ ուշադիր եղեք։ Օդի երեք նշաններից վերջինն է։ Նա միշտ ձգտում է ազատության։ Սիրո մեջ մեծահոգություն և բարձր մակարդակի հարաբերություններ է փնտրում՝ ուրիշ ոչինչ նրան չի հետաքրքրում։  Ապրել միասին առանց միությունը օրինականացնելու՝ յուրաքանչյուր Ջրհոսի երազանք է։ Սեքսով զբաղվում է ամենուրեք՝ փորձելու համար, թե սա ինչ բան է։ Սիրո մեջ չի ընդունում ոչ մի կանոն՝ լավագույն դեպքում ինքն է ստեղծում կանոններ։

Ձկներ

Երբեմն Ձուկն ինքն իր համար է առեղծված մնում։ Կարող է լինել հրաշալի խորհրդավոր, նուրբ, հոգևոր և միենույն ժամանակ արտիստիկ։ Ջրային նշաններից վերջինն է։ Ֆանտաստիկ զգայուն է, և նրա հետ շատ զգույշ է պետք վարվել։ Հաճախ ինքն իր երևակայության զոհն է լինում։ Սերը Ձկների համար միշտ էլ դրամա է եղել, եթե նույնիսկ արտաքնապես ամեն բան համերաշխ է թվում։ Չափազանց էրոտիկ է, սակայն լիովին ի վիճակի է բավարարվել գրքերով, մելոդրամաներով և երազներով։ Կարող է երջանիկ լինել զուգընկերոջ հետ, բայց նաև այլ կապեր փնտրել։ Կարևորն այն է, որ դեռ ոչ ոքի չի հաջողվել խաբել Ձկներին և անպատիժ մնալ։

Ըստ՝ astrocentr.ru

14.01.16 | հասարակություն