Сайт продаётся (Կայքի վաճառք)!

Ինչպես հաղթահարել ամաչկոտությունը

Դրական ուղղությամբ մտածեք

Տվյալ սկզբունքը հիմք է հանդիսանում մարդու միջից ամաչկոտությունն արմատախիլ անելու համար:  Առանց ճիշտ տրամադրության, մենք երբեք ոչինչ չենք կարողանա. հիշեք դա:   Իսկ գլխում պետք է հետեւյալ միտքը լինի եւ հետեւաբար` կենսական կրեդոն. իմ սխալները ոչ մեկին չեն վերաբերում: Այլ խոսքով ասած` մի կառչեք սեփական անձի մասին շրջապատի կարծիքից: Պարզ բան է` ցանկացած առողջ դատող մարդ ուզում է դրական տպավորություն թողնել նրանց վրա, ում հետ  սերտ կապերի մեջ է, ինչպես նաեւ քիչ ծանոթ մարդկանց վրա: Բայց նույնիսկ եթե սխալ եք թույլ տվել` որեւէ սխալ բան եք ասել, անտեղի ծիծաղել եք, շտապելիս սայթաքել եք եւ ընկել բոլորի աչքի առջեւ, ջանացեք յուրացնել մի պարզ ճշմարտություն. խոշոր հաշվով, ակամա ականատեսների կողմից ձեր տհաճություններին մեծ ուշադրությունը, ինչպես նաեւ աչքերում հեգնանքը եւ դժվարությամբ զսպվող ծիծաղը ընդամենը ձեր ակտիվացած երեւակայության արդյունքն են: 

Մենք այնքան անտարբեր աշխարհում ենք ապրում, որ այսօր յուրաքանչյուրը միայն իր եւ իր խնդիրների մասին է մտածում: Այսինքն իզուր եք օտարներից սպասում օգնություն, կարեկցանք եւ նույնիսկ չարախնդություն:  Իհարկե, կան խառնվածքներ, որոնք չափից շատ ունեն վերջին «բարիքից» , բայց ի վերջո, ինչու պետք է ձեզ անհանգստացնի ինչ-որ մեկի կարծիքը: Ուրիշի կարծիքից կախվածությունն արգելակում է մարդու զարգացումը, նրա առաջխաղացումը դեպի նպատակը, դեպի սոցիալական եւ կարիերային սանդուղքը: Բացառություն է կազմում սոսկ հեղինակավոր, հարգված անձի կառուցողական քննադատությունը: 

Շփվելով` մարզվեք

Այո, այո, դուք ամեն ինչ ճիշտ եք հասկացել, ինքնավստահություն մշակելը, սեփական մտքերը հրապարակայնորեն հայտնելու կարողությունը` առանց կարմրելու եւ հուզմունքից եւ ծայրաստիճան երկչոտությունից ուշաթափության եզրին գտնվելու, հնարավոր է միայն անվերջ շփման միջոցով:  Արեք դա ամենուր, որտեղ ուզում եք. խանութում` վաճառողի հետ, պարզելով պոտենցիալ գնումի պարամետրերը, անծանոթ անձանց հետ` հեռախոսով, սովորական մարդկանց հետ` ինտերնետի ֆորումներում, սկզբի համար` անանուն եղանակով:  

Կանոնավորապես «պտտվեք» այն մարդկանց ընկերակցությամբ, ում հետ հարմարավետ է, ուրախ եւ հեշտ, ում հետ ձեզ զգում եք ձեր ափսեում, նույնիսկ եթե դա ընդամենը երկու-երեք մարդ է, նույնիսկ եթե դրանք ազգականներ կամ ընկերուհիներ են: Բայց արժե ամեն օր զբաղվել դրանով, չծուլանալ, այդ դեպքում արդյունքները երկար սպասել չեն տա:  

Դուք ձեզ ավելի ինքնավստահ կզգաք եւ կկարողանաք ձեր նոր հմտությունները փորձել իրական լսարանի վրա, առանց վախի, որն արտահայտվում է ցած հակված աչքերվ, մահացու գունատությամբ եւ կարմրատակած այտերով: 

Եվս մեկ շատ արդյունավետ հնարք կիրառեք, որը թույլ է տալիս մոռանալ բնական ամաչկոտության մասին` ոչ անմիջապես, բայց աստիճանաբար եւ ընդմիշտ. պատկերացրեք, թե հանրային վայրում եք, ֆոտոխցիկների եւ տեսախցիկների կիզակետում: Կտեսնեք, թե ամաչկոտությունն ինչ արագ կվերանա: 

Կատարելապես զինված եղեք

Դա նշանակում է` նախապես մտածել սեփական արտաքին տեսքի եւ ասելիքի մասին, եթե անհրաժեշտ է ոչ թե ընդամենը անցնել խանութներով, այլ, օրինակ` այցելել որեւէ երեկույթի կամ հանդես գալ հանրային միջոցառմանը: Ընտրեք չեզոք գույնի հարմարավետ, պրակտիկ հագուստ, որ ապրումներ չունենաք ծնկի վրա հայտնված բծի կամ չափազանց կարճ կիսաշրջազգեստի պատճառով:  Դիմահարդարանքը եւս ցանկալի է, որ աչքի չընկնող, բնական լինի, չլղոզվի եւ ի ցույց չդնի ձեր հայտնի ամաչկոտությունը:   Փորձեք հնարավոր ռեպլիկները, որոնք ստիպված կլինեք ասել մարդկանց ներկայությամբ, որ անհարմար վիճակի մեջ չհայտնվեք:   Մարզվեք հայելու առաջ. տվյալ միջոցը ստուգված է ժամանակով. այն իրոք արդյունք է տալիս: 

Վերահսկիր քեզ

Դրա համար անհրաժեշտ է սովորել կառավարել սեփական շնչառությունը: Դանդաղորեն եւ խորը ներշնչեք, նույն եղանակով արտաշնչեք եւ անպայման` քթով: Դա ձեզ կօգնի հանգստանալ: 

Մի փորձեք մատները շարժել, տրորել կիսաշրջազգեստի  փեշը. շրջապատողներն անմիջապես կնկատեն, որ դուք ձեզ անհարմար եք զգում, իսկ դա չի կարելի թույլ տալ:  Խոսելիս կամ հռետորություն անելիս (հանրային ելույթի ընթացքում), բառերն արտասանեք առանց շտապելու, վստահ, գործի իմացությամբ. շրջապատի մարդիկ պետք է զգան ձեր բանիմացությունը եւ բարձր ինքնագնահատականը: 

Ավելի հաճախ ժպտացեք, բայց ոչ` չափից ավելի. եթե ամեն անգամ ժպիտով փոխարինեք պատասխանելու կամ պատմելու անհրաժեշտությունը, շրջապատողների մոտ այնպիսի տպավորություն կձեւավորվի, թե դուք ի վիճակի չեք երկու բառ իրար կապել: Մի լարվեք, ընդհակառակը, թուլացրեք մկանները. այդպես շփվելն անհամեմատ ավելի հեշտ կլինի:

Շատ արդյունավետ խորհուրդ է. եթե պատմելու կարողություն չունեք, ձեր մեջ  «միացրեք» հարցազրուցավարին: Հավատացեք, դա ըստ արժանվույն կգնահատվի ձեր կողքին գտնվողների կողմից: Ճիշտ է, չի կարելի կորցնել չափի զգացումը. այնպիսի գործում, ինչպիսին շփումն է, պնդերեսությունը միայն վնաս կտա:  

 

Աղբյուրը` MyJane.ru

06.09.16 | հասարակություն | մոդա