Ինչպես ինքնաբավ կին դառնալ

Ինքնաբավ եւ ինքնավստահ կին լինելը նշանակում է միայնակ կարողանալ հասնել դրված նպատակներին: Իմաստն ավելի խորն է թաքնված, այն ամփոփված է հետեւյալում.

1) ինչպես նյութական, այնպես էլ հուզական անկախության ձեռքբերումը,

2) ինքնուրույն ցանկացած խնդիր լուծելու եւ դրված նպատակներին հասնելու կարողությունը,

3) թերությունները արժանիքի վերածելու կարողությունը, որը հետագայում միայն օգուտ կբերի,

4) մարդկանց հանդեպ նախանձը եւ ատելությունը կնահանջեն, որովհետեը նրանք կհմայվեն ինքնաբավ կնոջ` ինքնավստահ դեպի իր նպատակներն առաջանալու կարողությամբ: Դա թույլ կտա շատ ուժեր եւ էներգիա պահպանել:

Ինչ փուլեր է պետք անցնել ինքնաբավության ճանապարհին

Ինքնաբավ կին դառնալու հարցը լուծելու համար անհրաժեշտ է հստակորեն հասկանալ, թե ինչ է պետք անել նպատակին հասնելու համար: Պահանջները բավականին պարզ են եւ ցանկության առկայության դեպքում արդյունքն ակնհայտ կլինի:

1. Նախ եւ առաջ անհրաժեշտ է սիրել իրեն: Դրա համար անհրաժեշտ է սեփական արտաքին եւ ներքին աշխարհը մշտապես բարձր մակարդակում պահել:

2. Պետք չէ իրեն ուրիշներից վատը համարել: Եթե ինչ-որ մեկը կարողանում է ինչ-որ բան ավելի լավ անել, դա չի նշանակում, թե մարդն ավելի մեծ ներուժ ունի: Գուցե նա ընդամենը կենսական ավելի մեծ փորձ ունի, որը մարդ ձեռք է բերում որոշակի տարիքում: Այնպես որ, ամեն ինչ դեռեւս առջեւում է: Բայց չափազանց մեծ հպարտություն ունենալ էլ խորհուրդ չի տրվում, չէ որ դա հաճախ գլխավոր խոչընդոտն է դառնում ցանկացածին հասնելու ճանապարհին:

3. Կյանքը պետք է սկսի հաճույք բերել: Տհաճ մարդկանց հետ շփմանը պետք է վերջ դնել: Իսկ եթե ֆիրմայում պաշտոն զբաղեցնելը սկսել է հոգնեցնել, պետք է ավելի հետաքրքիր աշխատանք փնտրել, որը ոչ միայն եկամուտ, այլեւ հաճույք կբերի:

4. Անցած բացասական պահերի վրայով անհրաժեշտ է անցնել եւ ներկայով ապրել` իրեն չհանդիմանելով թույլ տրված սխալների համար:
Մշտապես զարգանալով եւ կատարելագործվելով` ժամանակի հետ հաջողվում է ուզածին հասնել առանց կողմնակի օգնությամբ: Իսկ դա ինքնավստահ եւ ինքնաբավ կնոջ գլխավոր նշանն է:

Աղբյուրը` Creu

26.09.16 | հասարակություն