Сайт продаётся (Կայքի վաճառք)!

Ինչու՞ պետք չէ շփվել «նախկինների» հետ

Ձեզ քաջ ծանոթ է այն իրավիճակը, երբ մարդիկ, որոնք տեւական ժամանակ եղել են սիրային հարաբերություններում, բայց բաժանվել են, շարունակում են շփումը, սակայն արդեն այլ հարթության վրա։ Ինչով է դա վտանգավոր։ 

1Հոգեբանական ապրումներ
Նոր Զելանդիայի Օքլենդ համալսարանի գիտնականները պարզել են,  որ նախկին սիրեցյալների հետ հետագա շփումը կարող է հոգեբանական խանգարումների պատճառ լինել։ Փորձի ընթացքում պարզվեց, որ տղամարդիկ հաճախ պահպանում են նախկինների հետ իրենց հարաբերությունները սեքսի համար, մինչդեռ աղջիկները ձգտում են նախկին սիրեցյալներին էմոցիոնալ կապվածության պատճառով։

2Հնարավոր չէ նոր հարաբերություններ ստեղծել
Նախկինների հետ շփումը «ճահճային» է։ Դու սկսում ես ապրել՝ վերհիշելով ձեր լավագույն ակնթարթները, իսկ կանոնավոր շփումը լրացուցիչ խթան է հանդիսանում և առաջացնում անպետք մտքեր։  Եթե անցյալը բաց չթողնես և չբացվես նոր ծանոթությունների համար, վտանգ կա, որ  կարող ես դոփել նույն տեղում։

3Վտանգում ես նրա անձնական կյանքը
Եթե քո նախկին ընկերը կարողացել է դասավորել իր անձնական կյանքը և սկսել է հանդիպել մեկ այլ օրիորդի հետ, ապա դու պետք է հասցնես նվազագույնի ձեր շփումը, հատկապես, եթե դեռ զգացմունքներ ունես։ Այլապես դու միայն կբարդացնես քո վիճակը, քանի որ վերքդ դեռ ամբողջովին չսպիացած՝ նրա նոր ընկերուհու խանդի պատճառը կարող ես դառնալ։  Եթե դու գնահատում ես նրա ընկերությունը, ապա երջանիկ լինելու հնարավորություն տուր նրան։

4Դուք երբեք ընկերներ չեք լինի
Շատ հազվադեպ է «նախկինների» միջև անցյալի հիշողությունների հիման վրա անկեղծ ընկերություն ստեղծվում։ «Արի ընկերներ մնանք» արտահայտությունը հրաժեշտ է և ոչ իրական ընկերության առաջարկ․ սա պետք է հասկանան բոլորը։ Եթե դուք երկուսդ էլ ընտրել եք ձեր ճանապարհները և ստեղծել նոր ընտանիքներ, ապա ձեր հանդիպումներով մեծ ռիսկի եք դիմում արթնացնել վաղուց մոռացված զգացմունքները՝ հատկապես ալկոհոլի ազդեցության տակ։ Շփվել նախկինների հետ նշանակում է,  քայլել անդունդի եզրին․ կարող եք սայթաքել և ոչնչացնել ոչ միայն ձեր և նրա, այլ նաև ձեր սիրելիների  կյանքը։

Աղբյուրը՝  Ivona

30.05.16 | հասարակություն