Сайт продаётся (Կայքի վաճառք)!

Ինչո՞վ է օգտակար կանաչին ու ինչպես օգտագործել այն

Ինչո՞վ է օգտակար կանաչին

Գրեթե բոլոր կանաչիները հարուստ են վիտամին С –ով, կարոտինով ու ֆոլաթթվով։ Բայց դա կանաչու հիմնական արժանիքը չէ։ Կանաչու հիմնական օգտակարությունը դրանում պարունակվող կենսաբանական ակտիվ նյութերի ու եթերային տարրերի մեջ է։ Եթերային յուղերը, որոնք էլ հենց կանաչուն բույր են հաղորդում, ունեն հակամիկրոբային ու հակաբորբոքային գործողություն։ Հենց այդ պատճառով կանաչու հիմքով բազմաթիվ դեղամիջոցներ են պատրաստում, որոնք արդյունավետ են մրսածության ու այլ հիվանդությունների դեպքում։

Կանաչին մսի հետ

Խորոված ու այլ տեսակի միսը դժվար է մարսվում, իսկ բջջանյութը ու եթերային բաղադրիչները օգնում են, որ ստամոքսը հաղթահարի այդ դժվար խնդիրը։ Հենց այդ պատճառով էլ խորհուրդ է տրվում մսի հետ կանաչի մատուցել։ Բացի դրանից սամիթը, համեմը ու մաղադանոսը արդյունավետ են մետեորիզմի դեպքում ու թուլացնում են աղիների սպազմերը։ Բացի դրանից կանաչին նվազեցնում է հաստ աղիների քաղցկեղի զարգացման վտանգը, որը աճում է մսի հաճախակի գործածումից։ Դրան նպաստում է քլորոֆիլը, որը հազարին, մաղադանոսին, ռեհանին ու մյուս կանաչիներին կանաչ գույն է հաղորդում։

Կանաչիով աղցաններ

Պարզվում է, որ կանաչիով ոչ բոլոր աղցաները կարող են առավելագույն օգտակար լինել։ Աղցաններում հաճախ պարունակվում է թրթնջուկաթթու, իսկ կանաչին շատ կալցիում է պարունակվում։ Իրար հետ կոնտակտի մեջ մտնելով՝ դրանք կարող են նպաստել օրգանիզմում աղերի նստվածքի գոյացմանը, ու օգտակար նյութերը այդ դեպքում արյան մեջ չեն ներծծվում։ Թրթնջուկաթթվի ազդեցությունը մեղմելու համար պետք է աղցանները թթվասերով կամ սերուցքով համեմել։

Ուրիշ ինչպե՞ս օգտագործել կանաչին

Կանաչին կարելի է չորացնել ու պահել ձմռան համար, որպեսզի հետո այն հավելեք կերակուրների մեջ։ Մանրացած կանաչին պետք է հավելել արդեն պատրաստի կերակրատեսակների մեջ, որպեսզի դրանք չկորցնեն օգտակար հատկությունները ջերմային մշակման ժամանակ։ Կանաչին կարելի է հավելել ցանկացած կերակրատեսակի, նաեւ՝ մածունին կամ պարզապես բուտերբրոդի մեջ գործածել։ 

Աղբյուրը՝ Otvetnavse.com

06.10.16 | հասարակություն