Ի՞նչ է հուշում ծննդյան տարեթվի վերջին թվանշանը ձեր մասին

Ըստ հնագույն չինական օրացույցի, որով հիմնվում է արևելյան աստղագուշակը, Տիեզերքում իշխում է հինգ տարերքներից մեկը՝  Փայտ, Կրակ, Հող, Օդ, Ջուր։ Աստղագուշակները համոզված են, որ այս տարերքները հզոր ազդեցություն ունեն ոչ միայն բնության, այլ նաև մարդու բնավորության վրա։ Նրանք որոշում են մարդու հոգեկան կազմակերպվածությունը, սովորություններն ու նախընտրությունները։

Ո՞ր թվականին եք ծնվել, իսկ ինչ է հուշում ձեր ծննդյան տարեթվի վերջին թվանշանը։

1․Հող (տարեթվի վերջին թվանշանն է 8 և 9)

Հողի տարրի մարդիկ շատ համբերատար են և հուսալի։ Երկրի ուժերը տալիս են նրանց  մտերիմների հանդեպ պատասխանտվության զգացողություն։ Նրանք ունեն շատ ձգտումներ, բայց նաև իդեալիստներ են։

Երկրային են, խնդիրները լուծում են քայլ առ քայլ և սթափ ուղեղով։ Նրանց մոտ լավ զարգացած է ներգիրակցությունը։ Շրջապատի մարդիկ աշխատում են հավասարվել «երկրային» այս անձանց, քանի որ նրանց մոտ լավ զարգացած են բարոյական արժեքները։ Երկրային մարդիկ գնահատում են էթիկան և կարգուկանոնը, նաև ունակ են խելամիտ օգտագործել սեփական ռեսուրսներն իրենց բավականին պահպանողական բնավորության շնորհիվ։ Զգացմունքների առումով զուսպ են, սակայն ունեն սիրված լինելու կարիքը։

Երկրային մարդկանց մի փոքր կենդանություն և արկածախնդրություն է պակասում։ Երբեմն դաժան են և համառ։ Նրանք ուզում են վերահսկել ամեն բան և հաճախ առաջնորդվում են բացառապես հօգուտ իրենց շահերի և նախասիրությունների։ Ամենից շատ այս կյանքում վախենում են անհայտությունից, ընդհուպ մինչև խուճապային իրավիճակների և դեպրեսսիայի առաջացման։ Երկիրը մի կենտրոն է հանդիսանում, որը պատասխանատու է եղանակների փոփոխության համար։

Հաղի գույնը՝ դեղինն է, և այն ասոցացվում է մարսողական համակարգի հետ, հատկապես փայծաղի և ստամոքսի։

Բացի այդ «երկրայիններին» խորհուրդ է տրվում հեռու մնալ բարձր խոնավությամբ ճահճոտ վայրերից։

2․Կրակ (տարեթվի վերջին թվանշանն է 6 և 7)

Կրակի մարդիկ միշտ արկածների են ձգտում և երբեք չեն հրաժարվի մի նոր բան բացահայտելուց։ Նրանք շատ ակտիվ և կենսուրախ մարդիկ են՝ առաջնորդի գերազանց ձիրքով օժտված և սիրում են մրցակցել ու հաղթել։

Կրակի մարդիկ, որպես կանոն, գրավիչ են, նրանք ատում են մենակությունը և նախընտրում են շրջապատված լինել մարդկանցով և անընդմեջ շարժման մեջ լինել։ Բացի այդ, նրանք շատ կապված են մտերիմների հետ և ամեն կերպ փորձում են պահպանել ընտանեկան ցանկացած կապեր։ Կրակի մարդիկ տարբերվում են բարձր ինքնագնահատականով և ինքնավստահությամբ, նրանք խելացի են և ընկերասեր, վճռական և աչքի ընկնող, նաև օժտված են հռետորական տաղանդով։

«Հրե մարդկանց» թերություններն են՝ ագրեսիվությունն ու ամեն կերպ նպատակին հասնելու չափից ավելի մեծ ձգտումը։ Բացի այդ, նրանք չափազանց էմոցիոնալ են և տառապում են համբերատարության պակասից։ Էգոիստ են և շատ հավակնոտ։ Հազվադեպ են հաշվի նստում ուրիշ մարդկանց հետ։

Կրակը հարավն է, և այն իրենից ներկայացնում է ամռան ժամանակաշրջան։ Կրակի գույնը՝ կարմիրն է, այն կապված է անոթային համակարգի և սրտի հետ։ Կրակի մարդկանց խորհուրդ է տրվում հեռու մնալ ավելորդ ջերմությունից և դիմադրել էմոցիոնալ պոռթկումներին։

3․Փայտ (տարեթվի վերջին թվանշանն է 4 և 5)

Փայտի հովանու ներքո ծնված մարդիկ շատ մեծահոգի են։ Նրանք հավատարիմ են էթիկայի վարքի առումով իրենց սկզբունքներին, սիրում են ուսումնասիրել աշխարհը և վերլուծել տեղեկատվությունը, նաև տարբերվում են համոզելու հազվադեպ ունակությամբ։
Փայտի մարդիկ շատ արտիստիկ են և ստեղծագործական, ինչը որ հաճախ արտահայտվում է նրանց նախաձեռնած ամեն գործում։ Նրանք աշխատասեր են և միշտ իրենց համար որևիցե զբաղմունք են փնտրում՝ ձգտելով անընդհատ զբաղված լինել, համարելով, որ աշխատանքն իրենց ուժերի ամենալավ կիրառումն է։ Ինքնավստահությունը նրանց ամենալավ հատկանիշներից մեկն է։

«Փայտե» մարդիկ միշտ երախտապարտ են այն ամենի համար, ինչ ունեն և ընկած չեն ավելորդությունների հետևից՝ չնայած իրենց հետաքրքրությունների բնագավառը բավականին լայնածավալ է և բազմազան։ Նրանք հավատարիմ ընկերներ են և երբեք չեն վարվում եսասիրաբար, հրաշալի թիմային աշխատակիցներ են և շատ կարեկցող են այլ մարդկանց հանդեպ։

Նրանց թերությունը կարելի է համարել վատնող բնավորությունը։ Նրանք վերցնում են իրենց ուսերի ավելին, քան կարող են անել և այդ պատճառով հաճախ ծանրաբեռնում են իրենց աշխատանքով, ինչը օգուտ չի բերում ոչ մեկի։ Այլ կերպ ասած՝ «փայտե մարդկանց» արժե սովորել սահմանափակել և ճիշտ հաշվարկել ուժերը։ Որոշակի պայմաններում նրանք կարող են չափից ավելի կախված լինել ուրիշներից և նույնիսկ մոլորվել ամբոխի մեջ։ Սա հնարավոր է միայն իրենց պասիվության և որոշակի դանդաղաշարժության պատճառով։ 

Փայտը արևելք է, իսկ սեզոնը՝ գարուն, համապատասխանաբար, գույնը՝ կանաչ։ Փայտը փոխկապակցված է լեղապարկի և լյարդի հետ։ Այս տարրի ներկայացուցիչները պետք է խուսափեն այն վայրերից, որտեղ գերիշխում են ուժեղ քամիները։

4․Ջուր (տարեթվի վերջին թվանշանն է 2 և 3)

Ջրի մարդիկ համարվում են հմայիչ և պատրաստակամ, նաև ունակ են կարեկցելու։ Նրանք շատ ճկուն են և կարողանում են հարմարվել ամեն իրավիճակի։ Բացի այդ, նրանք խելացի են և ստեղծարար։ Ջրի մարդիկ ցնցող երևակայություն ունեն և չեն վախենում այն օգտագործելուց։

Նրանց թվում շատ են մեծ փիլիսոփաներն ու մտածողները, նրանք բավականին անկախ են և հաճախ մի քանի մասնագիտությունների են տիրապետում։ Ջրի ներկայացուցիչները օժտված են հաղորդակցության իդեալական հմտություններով և շատ համոզիչ կարող են լինել։ Նույնպես հարկ է նշել նրանց կարողությունները դիվանագիտական ոլորտում։ Նրանք շատ բնազդային են և ունակ են ըմբռնել այն, ինչը վրիպում է ուրիշների ուշադրությունից։ Նրանք լավ կազմակերպիչներ են և լավ կատարողներ, նրանք կարողանում են իրենց շրջապատող մարդկանց հատուկ տաղանդները նկատել և օգնել զարգացնել դրանք հետագայում։

Ջրի մարդիկ կարող են գաղտնապահ և կեղծավոր լինել և երբեք չկիսվել ուրիշների հետ իրենց գաղտնիքներով։ Բացի այդ, նրանց մոտ նկատվում են շահադիտական հակումներ։ Նրանք միշտ փորձում են հեշտ և պարզ ճանապարհ գտնել, քանի որ տարբերվում են առանձնահատուկ պասիվությամբ և հաճախ անձնատուր են իրենց և ուրիշների քմահաճույքներին։ Նրանք պետք է սովորեն ամուր կանգնել իրենց ոտքերին և շարժվել սեփական ճանապարհով։ Նաև պետք է խուսափեն ջրային վայրերից, որքան էլ պարադոքսալ է հնչում։

Ջուրը հյուսիս է։ Սեզոնը՝ ձմեռ, իսկ գույնը՝ սև։ Ջուրը կապված է ոսկրային և արտաթողման համակարգերիի հետ։

5․Երկաթ (տարեթվի վերջին թվանշանն է 0 և 1)

«Երկաթե մարդիկ» շատ պինդ, անկախ և ինքնուրույն են, ինչը պայմանավորված է նրանց բնավորության հզոր ուժով։ Նրանք սիրում են իրենց, բայց միևնույն ժամանակ կարող են հարգել և հոգ տանել մյուսների մասին։ Նրանք, որպես կանոն, բավականին զուսպ են, սակայն արտաքին ազդեցության տակ ակտիվորեն և վճռականորեն պաշտպանում են իրենց անձն ու տեսակետը։

Այս տարրի ներկայացուցիչները նախընտրում են հավասարակշռությունը, ներդաշնակությունն ու մաքրությունը՝ բառի բոլոր իմաստներով։ Նրանք առանձնանում են հուսալիությամբ և վճռականությամբ՝ թեև երբեմն հեռու են իրենց պահում՝ փորձելով չլինել ամբոխի մի մասնիկը։ Եթե «երկաթե մարդիկ» գիտեն, թե ինչ են ուզում և ինչ են փնտրում, ապա նրանց վճռականությանը կարելի նախանձել. չէ՞ որ ոչ մի խոչընդոտ և անհաջողություն երբեք չեն կարող ստիպել այս մարդկանց շեղվել ճանապարհից, իսկ բոլոր խնդիրները նրանք հեշտությամբ կարող են լուծել։ Նրանք չեն վախենաում միայնությունից, իսկ միակ բանը, որ նրանք ուզում են հասարակությունից՝ իրենց ձեռքբերումների և հաջողությունների ճանաչումն է։

«Երկաթե մարդկանց» թերություններից կարելի է առանձնացնել իրենց պարբերական իմպուլսիվությունը։ Գիտակցաբար թե ենթագիտակցորեն նրանք բոլորը շքեղության, փողի ու իշխանության հանդեպ անդիմադրելի փափագ ունեն։ Հաճախ լինում են կամակոր և կարող են անհիմն վարվել։ Լինելով առաջնորդ՝ երկաթե մարդիկ բավականին պահանջկոտ են և ուզում են, որպեսզի ենթակաները առավել համապատասխանեն իրենց բարձր չափանիշներն և սպասելիքներին։

Երկաթը արևմուտք է, սեզոնը՝ աշուն, գույնը՝ սպիտակ։ Այն ասոցացվում է շնչառական համակարգի և թոքերի հետ։

Աղբյուրը՝ aidami.ru

15.02.16 | հասարակություն