Թեհրանի քաղաքապետը հանել է իր թեկնածությունն Իրանում կայանալիք նախագահական ընտրություններից

 

Թեհրանի քաղաքապետ Մոհամմադ Բաղեր Ղալիբաֆը հանել է Իրանում իր թեկնածությունը կայանալիք նախագահական ընտրությունների թեկնածուների ցանկից: Interfax-ի փոխանցմամբ` Թեհրանի քաղաքապետը հայտարարել է, որ նման որոշում է կայացրել 50-ամյա մեկ այլ թեկնածու` Իրանի նախկին Գլխավոր դատախազ Էբրահիմ Ռաիսի օգտին: Վերջինս համարվում է գործող նախագահ Հասան Ռոուհանիի հիմնական մրցակից, ով երկրորդ անգամ է ցանկանում նախագահ դառնալ: 

Աղբյուրի տվյալներով` Ղալիբաֆը և Ռաիսին հանդիպում են ունեցել, որի ընթացքում թեկնածուներից յուրաքանչյուրը պատրաստակամություն է հայտնել հանել իր թեկնածությունը մյուսի օգտին: 

Այսպիսով` Իրանում նախագահի պաշտոնի համար պայքարում են երկրի ներկայիս ղեկավար Հ. Ռոուհանին, առաջին փոխնախագահ Էսհակ Ջահանգրին, արդյունաբերության նախկին նախարար Մուսթաֆա Թաբան, մշակույթի նախկին նախարար Մուսթաֆա Միրսալիմը և Ռաիսին: 

Իրանում նախագահական ընտրություններն անցկացվելու է մայիսի 19-ին: 

 

15.05.17 | քաղաքականություն | քաղաքականություն