Թբիլիսիում մեկնարկել են հայ ժամանակակից երաժշտության օրեր

Դեկտեմբերի 10-ին Վրաստանի մայրաքաղաք Թբիլիսիում մեկնարկել են հայ ժամանակակից երաժշտության օրեր: Նախագիծը կայանում է Հայ-վրացական մշակութային համագործակցության շրջանակներում՝ Հայաստանի կոմպոզիտորների միության նախաձեռնությամբ, Վրաստանի կոմպոզիտորների միության գործընկերությամբ: Ծրագրի նպատակն է հայ ժամանակակից երաժշտության հանրահռչակումը և տարածումը, ինչպես նաև երկու երկրների միջև մշակութային կապերի ամրապնդումն ու զարգացումը:

 

Եզրափակիչ համերգը կկայանա այսօր՝ դեկտեմբերի 11-ին, Վրաստանի կոմպոզիտորների միության դահլիճում:

 

Հայ ժամանակակից երաժշտության օրերի շրջանակներում կատարվում են կոմպոզիտորներ Արամ Սաթյանի, Ռոբերտ Աթայանի, Գագիկ Հովունցի, Լևոն Չաուշյանի,  Վահրամ Բաբայանի, Կոնստանտին Պետրոսյանի, Վաչե Շառաֆյանի, Ջենի Ասատրյանի, Գրիգոր Առաքելյանի, Աշոտ Ղազարյանի, Նարինե Զարիֆյանի, Հովհաննես Մանուկյանի և Էդմոնդ Մակարյանի կամերային ստեղծագործությունները:

 

Նախագծի աջակիցն է ՀՀ մշակույթի նախարարությունը:

 

Հիշեցնենք, որ 2015 թ-ին Երևանում, Գյումրիում և Վանաձորում կայացել են վրաց ժամանակակից հեղինակների ստեղծագործությունների 3 համերգ:

11.12.17 | քաղաքականություն