«Զօրեան» Հիմնարկի Նախագահը Այցելեց «Ազդակ»

«Զօրեան» գիտահետազօտական հիմնարկի նախագահ Գուրգէն Կրեկ Սարգիսեան նախանցեալ օր այցելեց «Ազդակ» եւ տեսակցեցաւ տնօրէնութեան հետ: «Զօրեան» հիմնարկը տասնամեակներէ ի վեր յատկապէս ցեղասպանագիտութեան մէջ ուշագրաւ նորութիւններ բերած եւ հետազօտութիւններ կատարած է յատկապէս արխիւային նիւթեր յայտնաբերելու ուղղութեամբ:

«Զօրեան» հիմնարկին կապուած են ակադեմական միջազգային հանրութեան ծանօթ անուններ, ցեղասպանագէտներ, արխիւագէտներ, գիտնականներ: «Զօրեան» հիմնարկի գործունէութեան «Ազդակ» կ՛անդրադառնայ տակաւին:

Գուրգէն Կրեկ Սարգիսեանի հետ տեղի ունեցած շահեկան զրոյցը կը վերաբերէր նաեւ Հայաստան- Սփիւռք 6-րդ համաժողովի ընթացքին արծարծուած հարցերուն եւ յատկապէս հայ մտաւոր ներուժի գործունէութիւնը նպատակաուղղուած արդիւնաւորելու ռազմավարական խնդիրներուն:

 

28.09.17 | քաղաքականություն | քաղաքականություն