Сайт продаётся (Կայքի վաճառք)!

Դիետա կենդանակերպի յուրաքանչյուր նշանի համար․ նիհարում ենք ըստ աստղագուշակի

Խոյ

Աստղային գառնուկները անընդհատ ինչ-որ բան են ծամում՝ ավելացնելով մարմնի ճարպերը։ Իրենց համար օգտակար կլինի օրեկան 5-6 անգամ (3 հիմնական և 2-3 թեթև) սնվելը։
Հետևեք սննդակարգին։ Լոլիկով և պանրով սենդվիչներ, լցոնած բուլղարական պղպեղ, սմբուկ, ցուկկինի, կաղամբ գազարով և սոխով, կաթնաշոռ։ Առանց մսի Խոյերը չեն կարող, սակայն այն պետք է ճարպոտ չլինի՝ հավի, հնդկահավի, ճագարի միս։ Խոզի մսի մասին կարող եք մոռանալ, իսկ գառի մսի մասին՝ առավելևս։

Ցուլ

Այս նշանի ներկայացուցիչները, որպես կանոն, հեշտությամբ են պահպանում իրենց կազմվածքը։ Սովորաբար մսի նկատմամբ անտարբեր են և սիրում են կաթնային ու բուսական սնունդ, սակայն հատուկ ձևով պատրաստված. չէ՞ որ Ցուլերի մեծամասնությունը համադամասեր են։ Ֆասթֆուդն իրենց վիրավորում է, իսկ ֆրանսիական խոհանոցնը իր հայտնի ռատատուով և սոխով ապուրով «շոյում է» նրանց նուրբ ստամոքսը։

Հրաժարվեք մեծ չափաբաժիններից և սովորեք տարբերակել իրական սովը սիրած սննունդն ըմբոշխնելու ցանկությունից։
 
Երկվորյակներ

Իրենց երկակիությունն արտահայտվում է նաև սննդի ընտրության ժամանակ.  այսօր նրանք սուշի են սիրում, վաղն արդեն «կեսար» աղցան, իսկ երկու օրից՝ պաելյա։ Սնվում են քիչ, սակայն հաճախ, ի դեպ՝ թեթև, բայց ընկերակցելիս կարող են կրկնակի ուտել և գիրանալ։ Զսպեք Ձեզ։
Ուշադրություն դարձրեք միջերկրածովյան խոհանոցին։ Այդ խոհանցի հիմքը թարմ բանջարեղենն է, միրգը, կաթնամթերքը, ձիթայուղը, ցածր յուղայնությամբ ձուկն ու միսը։

Խեցգետին

Խեցգետինը սիրում է համեղ սնվել, սակայն ոչ խեցգետին, ծովախեցգետին կամ  խեցեմորթ։ Իսկ ցածր յուղայնությամբ ձուկը, թարմ և չորացված միրգը, եփած և շոգեխաշած բանջարեղենը, ոչ յուղալի միսը հենց նրանց համար է։
Հեռու մնացեք բարձր կալորիականությամբ սննդից, հատկապես եթե հոգեպես անկայուն եք։ Ցավոք, հաճախ Խեցգետիններն իրենց խնդիրներն ու ապրումները փորձում են համեղ ուտեստների միջոցով փոխհատուցել, իսկ հետո ստիպված են բեռնաթափման օրեր կազմակերպել։ Փորձեք 1 կգ․ բանջարեղենը և 300 գր․ եփած հավի կրծքամիսը 5-6 հավասար մասերի բաժանել և ուտել ողջ օրվա ընթացքում։ Հեղուկն առանց սահմանափակման՝ թեյ, մասուրի թուրմ, հանքային ջուր՝ առանց գազի։

Առյուծ

Չնայած Առյուծները խեթանում են մսի համար, սակայն այն չի կարելի հաճախ և մեծ քանակությամբ օգտագործել։ Անհրաժեշտ է նաև սահմանափակել ծովամթերքն ու հավկիթը, իսկ միրգ-բանջարեղենը, ընկույզն ու արևածաղիկի սերմերը միայն ողջունելի կլինեն։ Բացի այդ, Առյուծները հակված են գիրանալու։ Այդ իսկ պատճառով էլ ցանկալի է սկսել բանջարեղենային ապուրից կամ բուսական թեյից՝ հեղուկն արագ կլցնի ստամոքսը, և Դուք ավելի քիչ կուտեք։
Ընթրել հարկավոր է քնելուց 4 ժամ առաջ և որքան հնարավոր է թեթև, իսկ երեկոյան ախորժակը մեղմելու համար (դա սովորաբար լինում է 21։00-ին) կարելի մեկ բաժակ մածուն խմել։

Կույս

Իրենց ճշտապահության շնորհիվ Կույսերը լուրջ են մոտենում սննդակարգին։ Նախընտրում են ցածր կալորիականությամբ, անյուղ, առանց աղի և շաքարավազի սնունդ։ Սակայն հաճախ մեծ քանակությամբ բանջարեղեն օգտագործելով՝ հրաժարվում են մսից, որը նույնպես անհրաժեշտ է օրգանիզմին։
Որպեսզի սնունդը անհամ չթվա, համեմունքներ ավելացրեք։ Ի դեպ, սաֆրանը փակում է ախորժակը, իսկ քրքումը խթանում ուղեղի աշխատանքն ու լավացնում հիշողությունը։

Կշեռք

Կենտրոնացած են առողջ սննդակարգի վրա և գիտեն իրենց չափը, սակայն չեն կարող դիմակայել քաղցրավենիք տեսնելիս։ Ցանկալի է քաղցրը փոխարինել մրգային աղցաններով, որոնք արագորեն լցնում են ստամոքսը և քիչ կալորիաներ պարունակում։
Փորձեք սիրել պղինձ պարունակող  ծովամթերքն ու լոռամիրգը, որոնք անհրաժեշտ են  նյութափոխանակության համար։ Մի մոռացեք ուրցով թեյի մասին։

Կարիճ

Այս նշանի ներկայացուցիչները հակված են գիրանալու, սակայն խիստ դիետաներն իրենց հակացուցված են։

Խանութ գնալիս, հիշեք դիետիկ լուսակրի մասին՝ դիետոլոգները այն հորինել են նրանց համար, ովքեր ցանկանում են նիհարել։ Կանաչ լույսը նշանակում է, որ այդ մթերքը կարելի է ուտել որքան ցանկանաս՝ կանաչեղեն, միրգ, բանջարեղեն։ Դեղին  լույսը նշանակում է, որ այստեղ պետք է մի փոքր զսպել ախորժակը՝ հաց, շիլաներ, լոբի, ոլոռ, կարտոֆիլ, միս, ձուկ։ Կարմին էլ այն սնունդն է, որից հարկավոր է խուսափել, կամ հասցնել մինիմալ քանակությանը՝ երշիկ, ֆասթֆուդ, մայոնեզ, քաղցրավենիք՝ հատկապես մարգարինով պատրաստված։

Աղեղնավոր

Նրանք շատ ուտելու հակում չունեն, սակայն քանի որ իրենց Կրակի տարերքն է իշխում, ոչ մի հարցում չափ ու սահման չունեն, այդ թվում նաև սնվելու։
Սնվեք առանց շտապելու, չէ՞ որ ուղեղը 15-25 րոպե անց է ընկալում կշտանալու փաստը՝ սպասեք մի փոքր։

Այծեղջյուր

Սովորաբար նիհարիկ Այծեղջյուրին ավելորդ քաշը չի սպառնում, սակայն իրենց խնդիրն այն է, թե ինչպես մի փոքր քաշ ավելացնել։
Ախորժակը բացելու համար ուտելուց առաջ կարելի է թթու խնձոր կամ վարունգ ուտել։ Մի մոռացեք սննդակարգին ավելացնել միսն ու կաթնամթերքը, իսկ կարտոֆիլ շատ մի օգտագործեք։

Ջրհոս

Անկանխատեսելի և հետաքրքրասեր Ջրհոսները պաշտում են նոր սննդատեսակները՝ որքան էկզոտիկ, այդքան լավ։ Չնայած այս օրիորդները ամեն բան չեն ուտում․ միսն ու կենդանական ճարպերը լավ չեն յուրացնում, իսկ բուսականը՝ հրաշալի։
Հեռու մնացեք խմորեղենից, սպիտակ հացից, օսլա պարունակող սննդամթերքից՝ այդ թվում նաև կարտոֆիլից, մակարոնից, բրնձից։

Ձկներ

Սա միակ նշանն է, ում համար օգտակար է ձուկը։ Ծովամթերքը սպիտակույցի հիմնական մատակարարն է, որից օրգանիզմը կառուցում է իր բջիջները և իրանի չափսերին դա բացարձակապես չի ազդում։ Սակայն անհրաժեշտ է պակասեցնել աղը ՝ նատրիումի քլորիդի ավելցուկը այտուցներ է առաջացնում։ Ի դեպ, նվազեցնելով աղի քանակությունը՝ կարող եք 0,5 կգ, քաշ կորցնել երկու օրվա ընթացքում՝ պարզապես օրգանիզմից դուրս կգա ավելորդ հեղուկը։
Սահմանափակեք ալկոհոլը՝ ջրային նշանների մոտ ալկոհոլի նկատմամբ հակումը բարձր է։

Աղբյուրը ՝ Liza.ua

08.10.16 | հասարակություն