Сайт продаётся (Կայքի վաճառք)!

Աշնանային նորաձեւ մանիկյուրի 5 նոր գաղափար

Հետեւյալ խորհուրդները քեզ կօգնեն ամբողջ աշուն ոճային մնալ։

1 . Nude մանիկյուրը չի զիջում իր դիրքերն արդեն մի քանի սեզոն եւ առանձնապես փոփոխություններ չի կրել եղունգի լաքի երանգի առումով։ Բեժը, բաց վարդագույնը, դեղձագույնը եւ կաթնա–սրճագույնը օրվա բոլոր ժամերի կամ հատուկ իրադարձությունների համար այդքան ունիվերսալ բնական գույնի հիմնական նոտաներն են։ Ուզում ես ոճայի՞ն թվալ։ Դրան կոնտրաստ եւ «նեգատիվ» հաղորդիր. negative space մանիկյուրը կամայական ձեւի սեւ կամ թափանցիկ ներդիրներով այս սեզոնում պոպուլյար են։ Nude մանիկյուրը կարելի է լրացնել փայլող կամ մետաղական շեշտադրումներով։

2. Հայելային մանիկյուրը, որի ժամանակ թվում է, թե եղունգները ընկղմել են հեղուկ արծաթի կամ ոսկու մեջ, աշնան հիմնական թրենդերից մեկն է։ Նման իմիտացիա ստեղծելու համար բավական է գնել հատուկ փայլաթիթեղ կամ արտացոլող էֆեկտով թաղանթ։ Այդ փայլաթիթեղի  շերտերով ընդունված է ֆրենչ անել, լուսնային «ժպիտ» կամ եղունգների վրա պատկերներ ստեղծել։

3. Ջարդած ապակու էֆեկտ՝ glass մանիկյուրում։ Այն եկել է Հարավային Կորեայից։ Մանիկյուրը հնարավոր է ստանալ թափանցիկ հիմքի վրա հատուկ պատկերներ ամրացնելով, որոնք կոտրված ապակու տպավորություն են ստեղծում։

4. Bubble-nails–ը դժվար թե մեզ մոտ արմատներ ձգի։ Շատ վայրենի տեսք ունեն ցցուն գոգավոր եղունգները, որոնց վրա շատ գել են քսել. կարծես՝ ամեն մեկի վրա փուչիկ է փչած։

5. Գոթական ոճի մանիկյուրը նշանակում է, որ անգամ դասական ոճի համար դու մուգ երանգների լաքեր ես նախընտրում։ Նման մռայլ գույները կարելի է մեղմել մետաղականացված դետալների օգնությամբ։

Աղբյուրը՝ Liza.ua

17.10.16 | հասարակություն