Ամուսնական խորհուրդներ, որոնք ոչ մեկից չեք լսի

Ամուսնության շեմին կանգնած փեսային եւ հարսին ավագ սերնդի ներկայացուցիչները մշտապես խորհուրդներ են տալիս՝ «երբեք բարկացած անկողին մի մտիր», «քո ամուսինը/կինը քո լավագույն ընկերն է», «անկեղծ արտահայտիր քո զգացմունքները» եւ այլն։ Սակայն հոգեբան ու ոլորտի մասնագետ Ջոֆրի Փլաթսը առանձնացրել է հետեւյալ հինգ կարեւոր խորհուրդները։

1. Երեխաները չպետք է ամուսնուց/կնոջից ավելի կարեւոր լինեն

Այո, երեխան ցանկացած ընտանիք ավելի ամբողջական ու միասնական է դարձնում, սակայն սա չի նշանակում, որ նա պետք է առավել կարեւոր լինի, քան ձեր կողակիցը; Ընդհակառակը՝ ամուսինների սերը պետք է կրկնապատկվի, որպեսզի երեխան ճիշտ դաստիարակություն ստանա՝ մեծանալով ներդաշնակ միջավայրում։

2. Նայիր նրան այնպես, ինչպես հավատարիմ շունն է նայում իր տիրոջը

Շունն իր տիրոջը կուրորեն է սիրում եւ մշտապես հավատարիմ ու նվիրված է նրան։ Շան եւ տիրոջ սերը անշահախնդիր է, եւ նրանք երկուսն էլ գիտեն, որ դիմացինը արժանի է դրան։

3. Հաղորդագրություն ուղարկիր նրան այնպես, ինչպես առաջին անգամ էր

Ճիշտ է, օրվա ընթացքում նա հազարավոր զանգեր ու հաղորդագրություններ է ստանում, սակայն այդ հեռախոսի կապույտ էկրանին նա հենց ձեր հաղորդագրությանն է սպասում։ Այդ կարճ, բայց տեղին sms-ը ցույց կտա, թե որքան կարեւոր է նա ձեզ համար եւ որքան հոգատար եք դուք նրա հանդեպ։

4. Համոզված մի եղիր, որ քո զուգընկերը հարատեւ քո կողքին է լինելու

Մարդիկ, ովքեր կարծում են, որ զուգընկերը երբեք չի լքելու եւ մշտապես մնալու է իրենց կողքին, արդեն իսկ վտանգում են իրենց հարաբերությունները։ Իրականում սերը պահպանելու եւ միասին մնալու համար հարկավոր է պայքարել ամեն օր։

5. Շատ մի խոսեք

Ճիշտ է, հարաբերություններն անհնար է շարունակել առանց զրուցելու եւ խոսելու, սակայն երբեմն ձեր ընտրյալը պարզապես ցանկանում է լուռ նստել ձեր կողքին, գրկել կամ փարվել ձեզ, կամ լուռ զբոսնել ձեզ հետ ու զգալ ձեր սերն ու ջերմությունը՝ ավելորդ խոսքեր լսելու փոխարեն։

 

Պատրաստեց՝ Յանա

Աղբյուրը՝ Huffington Post

 

26.02.16 | հասարակություն | մոդա